13th Annual General Meeting of Siddhartha Cable Car Limited conducted successfully, Proposal to Issue IPO Approved

Published Date: 2026-01-12
Siddhartha Cable Car

https://l.facebook.com/l.php?u=https%3A%2F%2Fabhiyandaily.com%2Fnews%2F455414%2Fthirteenth-general-meeting-of-siddharth-kewalkar-was%2F%3Ffbclid%3DIwZXh0bgNhZW0CMTAAYnJpZBExNlZrWVJNMVc2ZFMyS0xFTHNydGMGYXBwX2lkEDIyMjAzOTE3ODgyMDA4OTIAAR586Fso7koqd-j0fSa_KThtehnDcAS-WnJVIOJVFJbQnu0TeS6uHbb768_M3g_aem_yMGeE3e7KQFZ2NzHxZYb5w&h=AT0v0NEq8x04u1tpFjeSrhqNKwKlO6xZfaXFcOeVsXMIrmMFG5o_tX658mPeiJ3CLhByKmGsKdtUKHv4j04KCUem6DIpI6hTkfYWg4w6IZhnaJ7jNLsqsDaN17BC0rcf4mFKOnzVqEVbUqXKdg&__tn__=-UK-R&c[0]=AT3OhGD2V4Oq8BvDZjrWEJQwac-fwpB4oSvDGPlWdIH8jcJ0GCHukSuwwz7d7yayT_98pZMon0KiPbOCbXs-rGEoq0nK3Pe180CZMEkmZNTvhAFCCs-DoUDOBp2UTMRJ_W0354kncVs_c7bUQMTzGdoS4mo2Nzvne3ODNaGo90tiRTCVLHhh2VAxomD6OREap74pzKKngh3-gE4CaZ-JPq3utUs0Bg

सिद्धार्थ केवलकारको तेह्रौं साधारण सभा सम्पन्न, आईपीओ जारी गर्ने प्रस्ताव पारित

काठमाडौं । बुटवलस्थित सिद्धार्थ केवलकार लिमिटेडको तेह्रौं वार्षिक साधारण सभा सम्पन्न भएको छ । काठमाडौंको तीनकुनेस्थित सिद्धार्थ कटेजमा सम्पन्न सभाले कम्पनीका विभिन्न प्रस्तावहरू स्वीकृत गरेको छ । सभाले विशेष प्रस्तावअन्तर्गत कम्पनीले आईपीओ जारी गर्ने प्रस्ताव सर्वसम्मत रूपमा पारित गरेको हो । साधारण सभा सम्पन्न भएसँगै सर्वसाधारणमा शेयर निष्कासनका लागि आवश्यक सम्पूर्ण प्रक्रिया अगाडि बढाइने कम्पनीका अध्यक्ष ई. राजेन्द्र सिंह गुरुङले जानकारी दिए । कम्पनीको परियोजना नुवाकोट गढी क्षेत्रमा रहेको छ, जुन ऐतिहासिक रूपमा वीर नेपालीहरूले अंग्रेज सेनालाई परास्त गरेको स्थानका रूपमा परिचित छ । साथै सोही क्षेत्रमा भगवान् गौतम बुद्धका कुलगुरुको प्राचीन आश्रम रहेको उल्लेख विभिन्न बौद्ध धर्मग्रन्थमा पाइने कम्पनीले जनाएको छ । कम्पनीका अध्यक्ष बुटवलका स्थानीय उद्यमी ई. गुरुङ रहेका छन् भने प्रबन्ध सञ्चालकमा शेयर विश्लेषक, लगानीकर्ता तथा जलविद्युत् व्यवसायी प्रभुलाल अधिकारी छन् । कम्पनीका मुख्य लगानीकर्तामा प्रभु केवलकार एन्ड टुरिजम लिमिटेडसहित प्रभु ग्रुप्स, बुटवल क्षेत्रका व्यवसायीलगातयत छन् । सभामा प्रस्तुत विवरणअनुसार कम्पनीले गत आर्थिक वर्षमा ८ करोड रुपैयाँ सञ्चालन मुनाफा आर्जन गरेको छ । आगामी वर्षमा अझ उच्च मुनाफा गर्ने लक्ष्य लिएको कम्पनीले जनाएको छ । साथै, गत वर्ष तीन लाखभन्दा बढी पर्यटकले सिद्धार्थ केवलकारमार्फत यात्रा गरेको जानकारी पनि सभामा दिइएको थियो ।